Paketearen definizioa [Victoria Eugenia Antzokia / FCC - Abonamendua] - Donostia Kultura

Bi kontzertu, 45 minutukoa bakoitza.

JazzEñeren hamargarren edizio hau Donostiako Jazzaldiaren barruan egingo den elkarren segidako laugarrena izango da.

J. Fox

Juanma Urriza Razquin (bateria), Fredi Peláez Gómez (teklatua), Oskar Lakunza Pérez (saxoak), Xabier Barrenetxea Garbizu (baxu elektrikoa)

Fox Jazz laukote berritzailea da, Yellowjackets, Spyro Gira edo The Rippingtons taldeen musikan inspiratua. Talentuz beteriko lau musikariz osatua, parte-hartzaile edo kideen inizialetatik sortzen da bere izena: Juanma Urriza (bateria), erritmo eta leuntasunaren maisua; Fredi Pelaez (teklatuak), zeinaren harmoniek soinu-aberastasun liluragarria gogorarazten duten; Oskar Lakunza (saxoa), taldea gidatzen duen soinu melodiko eta adierazkorrarekin; eta Xabier Barrenetxea (baxua), taldeari oinarri erritmiko eta melodiko sakonak ematen dizkiona.

Juanfe Pérez: Prohibido el toque

Juanfe Pérez (baxua), Kike Terrón (perkusioa), David Sancho (teklatuak), Alicia Morales (ahotsa)

Juanfe Pérez polifazetikoak bere bakarkako lehen proiektua aurkeztuko du Donostian, Olga Pericet, Rosario La Tremendita edo Farruquito bezalako artistekin elkarlanean aritu ondoren. Eszena artikulatzen duen ardatz nagusia baxua izanik, Prohibido el Toque-ren zuzenekoa musikarien arteko energiagatik eta konplizitateagatik nabarmentzen da. Soinu-paisaia psikodeliko eta delikatuetatik hasi, giro berritu eta fresko batean kanta tradizionalenak kulunkatu eta berrituz, klimax lehergarri eta kementsuenetaraino.

Bi kontzertu, 45 minutukoa bakoitza.

JazzEñeren hamargarren edizio hau Donostiako Jazzaldiaren barruan egingo den elkarren segidako laugarrena izango da.

Maite Akustik Quintet

Maite Ruiz de Erentxun (akordeoia), Aura Mauri (ahotsa), Crístopher Pérez (saxofoia), Alesander Peña (gitarra), Manuel Luque (kontrabaxua)

Proiektu akustiko honetan, Jazza da migrazio musikala gidatzen duen bidea; sustraiak eta esplorazioa, tradizioa eta aurkikuntza integratzea ahalbidetzen duen hizkuntza malgua eta bizia. Boskoteak Jazzaren adierazpen-askatasuna uztartzen du, non musika berez ez den iraganeko erreprodukzio soila.

Román Filiú: Suite Oriental

Román Filiú O’Reilly (saxo altua, txirula, musika-zuzendaritza), Rubén Darío Reyna Cuervo (biolina), Zaloa Gorostidi Bidaurrazaga (biolina), Osvaldo Antonio Enrique Castro (biola), Caridad Rosa Varona Borges  (Biolontxeloa)

Suite Oriental izeneko konposizioan, Roman Filiú multiinstrumentista kubatarrak Kubako Ekialde eskualdeko musika errepertorio zabala (tumba frantziarra, trova, son delakoa, etab.) hartzen du inspirazio gisa, New Yorkeko abangoardiako soinuarekin tartekatuz. Boskotearen formatuak malgutasuna du Jazz laguntzaile taldea izateko, inprobisazioa lehenetsiz. Lan hau Centro De Arte Contemporáneo Conde Duqueko batzorde bati esker sortu zen 2021ean.

Bi kontzertu, 45 minutukoa bakoitza.

JazzEñeren hamargarren edizio hau Donostiako Jazzaldiaren barruan egingo den elkarren segidako laugarrena izango da.

EME·EME·PROJECT: MUTATIS MUTANDIS

Marta Mansilla Blanco (txirula, ahotsa), David Sancho Mangas (pianoa, teklatua, Nord Stage, sintetizadoreak), Antonio Tomás Sepúlveda (ahots nagusia), Jesús Caparrós Caballero (baxu elektrikoa), Rodrigo Ballesteros Felipe (Bateria, octapad)

EME · EME · PROJECT, Jazz, soul, R & B eta hip-hop boskotea, Marta Mansilla flautistak gidatua, MUTATIS MUTANDIS disko berria aurkeztuko du, Pablo Martin Jonesek eta Lucas Piedra Cuevak (Jorge Drexlerrekin zenbait Latin Grammy-ren irabazleak biak) grabatua eta aurten plazaratuko dena.

Cuarteto Federal

Guillem Arnedo (bateria), Kike Perdomo (saxoak), Javier Galiana (pianoa), Xacobe Martínez Antelo (kontrabaxua)

Cuarteto Federal XXI. mendeko Espainiako Jazz garaikidearen testuinguruan aktibo dauden lau musikariren arteko topaketa da. Periferia geografikotik zein estilistikotik deituta, ekimen hau nahita egindako gonbidapen kontziente bat da, alegia, bertako lau kideen sormen bultzada amankomun batetik abiatuta: Kanariar uharteetako Kike Perdomo, Andaluziako Javier Galiana, Galiziako Xacobe Martínez Antelo eta Kataluniako Guillem Arnedo.

Bi kontzertu, 45 minutukoa bakoitza.

JazzEñeren hamargarren edizio hau Donostiako Jazzaldiaren barruan egingo den elkarren segidako laugarrena izango da.

Pere Bujosa trío

Pere Bujosa (kontrabaxua, konposizioa), Xavi Torres (pianoa), Joan Terol (bateria)

Pere Bujosa Mallorcako kontrabaxu-jotzaileak gidatzen duen hirukote honek Jazza ikuspegi ireki eta garaikidetik aztertzen du, Mediterraneoko tradizioa soinu-berrikuntzarekin lotuz. 2018tik, Xavi Torres pianista sarituarekin eta Joan Terol bateria-jotzailearekin batera, hizkuntza propioa duen talde sendo eta sortzailea osatzen du. Bere musikak polirritmia, inprobisazioa eta elektronika fina uztartzen ditu, ñabarduretan aberatsa den soinu-unibertsoa.

Daniel Román Jazz Quintet: Bruegel sound

Naíma Acuña (bateria), César Filiú (saxo tenorea), Román Filiú (saxo altua), Álvaro del Valle (baxua, gitarra, elektronika), Daniel Román (konposizioa, gitarra, ahotsa)

Proiektu honek poesia, tradizioa eta abangoardia uztartzen ditu musika hizkera paregabe batean. Grisallaren poemetan oinarrituta — hauek, era berean, Peter Bruegelen margoak ardatz —, nolabaiteko zubi bat egiten du Jazz garaikidearen, elektronikaren, inprobisazioaren eta gitarroi txiletarraren zein tarken antzinako soinuen artean.

Marc Ribot (gitarra, ahotsa), Shahzad Ismaily (baxua, elektronikoa), Ches Smith (bateria, elektronikoa)

Marc Ribot, 1954an New Jerseyn jaioa, azken hamarkadetako asmamen eta sormen handieneko gitarristen artean dago, konpositorea eta abeslaria izateaz gainera. Bere musika esperimentazioaren eta inprobisazioaren munduari lotuta dago beti, eta erabateko askatasunetik abiatzen da, eta zaletasun berezia erakusten du rock gordin, zuzen eta zaratatsuarekiko.

Informazio gehigarria