Paketearen definizioa [Victoria Eugenia Antzokia - FCC Abonamendua] - Donostia Kultura

OREKA TX:

Harkaitz Martinez de San Vicente (txalaparta egurrezkoa, harrizkoa, banbuzkoa, bidoia), Juanjo Otxandorena (bouzukia), Iñigo Egia (percusioak), Mixel Ducau (alboka, egurrezko clarinetea, saxo sopranoa), Mikel Ugarte (txalaparta egurrezkoa, harrizkoa, banbuzkoa, bidoia)

Harkaitz Mtz. de San Vicentek eta Igor Otxoak 1997an sortu zuten Oreka TX eta harrezkero etengabe jardun dute txalapartaren aukerak ikertzen eta zabaltzen, bai bere musikaltasunarekin bai instrumentua eraikitzeko erabiltzen diren materialekin esperimentatuz (jatorrizko egurretik hasi eta harri, teila, banbu… baita izotzera arte). Bost kontinenteetan zehar aurkeztu dituzte beren lanak, eta publikoa eta kritika espezializatua konkistatu dituzte (Informazio gehiago).

Chico Pérez:

Chico Pérez (pianoa)

Chico Pérez Jaénen jaio zen 1994an, musikarien familia batean. Pianista eta konpositorea da, eta estilo paregabea da berea, flamenkoan sustraitua, baina Jazza, bluesa edo musika klasikoa ere tartekatzen dituena.

2016an Musikako goi-mailako titulua lortu zuen pianoko espezialitatean, Jaengo CSMn, eta Madrilera joan zen profesionalki trebatzen eta garatzen jarraitzeko (Informazio gehiago).

Salmenta-baldintzak eta COVID 19 neurriak

Verónica Ferreiro & Javier Sánchez: Camiño

Verónica Ferreiro (ahotsa), Javier Sánchez (gitarra), Moisés P. Sánchez (pianoa), Ander García (kontrabaxua), Andrés Litwin (bateria)

Verónica Ferreirok eta Javier Sánchezek, Espainiako Jazzaren eszenako musikari ezagunek, beren proiektu musikal berria aurkezten digute, naturaltasun osoz, Verónicaren ahots pertsonala eta galizierazko poemak eta Javierren konposizioak eta moldaketak uztartuta. Jazzari begiratzen dion lana izan arren, musika klasikoa eta folklorea ere bisitatzen ditu, baita adierazpen artistiko ugarien eragina jaso ere (Informazio gehiago).

Carlos Sarduy

Carlos Sarduy, zalantzarik gabe, bere belaunaldiko musikari aktibo eta poliedrikoenetako bat da. Habanan jaioa, moldakorra eta ibilbide oparoa egina duen musikaria da bera eta, beste askoren artean, Chucho Valdés, Bebo Valdés, Steve Coleman, David Murray, Esperanza Spalding, Buika, Ainhoa Arteta, Mariza eta Ojos de Brujorekin izandako kolaborazioengatik da ezaguna (Informazio gehiago).

Salmenta-baldintzak eta COVID 19 neurriak

Ordaintzekoa den edozein ikuskizunetan, hiru urtetik gorako (adin hori barne) haurren kasuan, ordaindu egin behar da sarreraren prezioa.

Donostiako Jazzaldiaren leku guztiak, aire zabalean daudenak ere, kerik gabeko guneak izango dira.

Moisés Sánchez (pianoa)

Konpositorea, musika-ekoizlea, pianista, inprobisatzailea eta moldatzailea, 20 urtetik gorako ibilbidea egina duena, eta gure mugen barruan eta kanpoan saritua, Moisés P. Sánchez balio nagusietako bat da Espainiako eta Europako musikaren eszenan. Berezkoa duen hizkuntza batekin, irudimen harrigarri batekin eta askotariko eraginen konbinazio jori batekin, bere sorkuntzek generoen arteko ohiko mugak gainditzen dituzte, eta harridura eragiten dute, bai erabiltzen dituzten baliabideen ugaritasunagatik, bai beren bizitasun zoragarriagatik eta originaltasunagatik (Informazio gehiago).

Daahoud Salim Quintet

Daahoud Salim (pianoa), Bruno Calvo (tronpeta), Pablo Martínez (tromboia), Hendrik Müller (kontrabaxua), SunMi Hong (bateria)

Nazioarteko boskote hau, Daahoud Salim pianista eta konpositorea lider duena, Amsterdamen sortu zen 2015ean, eta harrezkero Europako areto eta jaialdi nagusietako batzuetan aritu da: Madrilgo Nazioarteko Jazzaldian, Getxoko Nazioarteko Jazzaldian, Jamboreeko Mas i Mas Jaialdian, Bimhuisen, Amersfoort Jazz Festivalen, Erromako Parco Dalla Musica Auditorioan, Katowiceko Silesian Jazz Festivalen, Ibizako Jazzaldian… (Informazio gehiago)

Salmenta-baldintzak eta COVID 19 neurriak

Ordaintzekoa den edozein ikuskizunetan, hiru urtetik gorako (adin hori barne) haurren kasuan, ordaindu egin behar da sarreraren prezioa.

Donostiako Jazzaldiaren leku guztiak, aire zabalean daudenak ere, kerik gabeko guneak izango dira.

Berta Moreno

Berta Moreno (saxo tenorea), Maksim Perepelica (baxu elektrikoa), Jorge Castañeda Valenciano (pianoa), Deborah Ayo Ajao (ahotsa), Rodrigo Ballesteros Felipe (bateria)

Berta Moreno, sari ugari jaso dituen saxofonista eta Jazz konpositore madrildarra, bere belaunaldiko saxo tenorraren ahots bereizgarrienetako bat bilakatu da. Bere melodia oparo eta hunkigarriengatik nabarmentzen da, eta beroa eta inguratzailea da bere saxoaren soinua; liluragarria, sutsua, kementsua eta zintzoa da bere musika.

Bere lanak aintzatespen ugari jaso ditu prentsan, eta nazioartean duen proiekzio handiari esker mundu osoko hainbat agertoki eta jaialditan izan da. Bere ibilbidean zehar izen handiko musikariekin partekatu du agertokia, besteak beste, Steve Wilson, Shai Maestro, Arturo O’Farril, Troy Roberts, Francisco Mela eta Manuel Valerarekin (Informazio gehiago).

Ernán López-Nussa

Ernán López-Nussa (pianoa), Janet Rodríguez Pino (bibrafonoa), Oliver Valdés Rey (bateria), Héctor M. Quintana Ferreiro (gitarra), Samuel E. Burgos Martínez (kontrabaxua)

Pianista, moldatzailea eta zuzendaria, musikaz adierazi eta elikatzen den bere herrialde Kubako soinua marrazten du López-Nussak, eta ezinbesteko figura da Latinoamerikako azken garaietako musikaren panorama ulertzeko (Informazio gehiago).

Salmenta-baldintzak eta COVID 19 neurriak

Marco Mezquida (pianoa, Hauptwerk organoa), Juan de la Rubia (Hauptwerk organoa, pianoa)

Bach & Forward Juan de la Rubiak eta Marco Mezquidak teklatuetan inprobisatutako kontzertu bat da. Biak, inprobisazioan aditu handiak, pianoan eta organoan elkarri erantzuten eta desafio egiten J. S. Bachen figuraren inguruan, berdinik ez duen esperientzia zoragarri batean. Beren inprobisazioa ezagutzatik eta errespetutik abiatzen da eta horrela berrinterpretatzen dute Bach bi teklista handiek, haren musikarekiko maitasunetik.

Ikuspegi desberdinetatik ‒Jazzari lotuagoa Mezquidarena eta klasikoagoa Juan de la Rubiarena‒ zeharo konplexua den egitura bat eraikitzen dute bakarlariek, non ahots kantaria elkarri pasatu eta trukatzen dizkioten instrumentuak.

Bartzelonako Familia Santuko organista titularra, Juan de la Rubia inprobisazioko irakaslea da ere Catalunyako Musika Eskolan (ESMUC), eta organista ospetsuenetako bat Espainian eta Europan (Informazio gehiago).

Salmenta-baldintzak eta COVID 19 neurriak

Ordaintzekoa den edozein ikuskizunetan, hiru urtetik gorako (adin hori barne) haurren kasuan, ordaindu egin behar da sarreraren prezioa.

Donostiako Jazzaldiaren leku guztiak, aire zabalean daudenak ere, kerik gabeko guneak izango dira.