Paketearen definizioa [San Telmo Museoa - Škoda Abonamendua] - Donostia Kultura

1977an jaioa, Ukrainan, oraindik Sobietar Batasunekoa zenean, haur prodijio bat zen Neselovskyi, baita bere hiri Odesako prestigio handiko kontserbatorioak onartutako ikaslerik gazteena ere. Ikasle birtuoso honek prestakuntza klasikoa jaso bitartean Jazzeko izarrak entzuten zituen; haien diskoak bere hiriko portu garrantzitsuan lehorreratzen ziren marinelen bitartez iristen zitzaizkion, eta horrela ezagutu zuen hainbat artistaren musika, haien artean, Keith Jarrett, Chick Corea eta Thelonious Monkena.

Ikasketa klasikoak Alemanian amaituta, Jazzarekiko bere pasioak Estatu Batuetara ikastera eraman zuen, Berklee College of Music eta Thelonious Monk Institute-ra, hain zuzen. Urte haietan Neselovskyik hainbat musikarirekin kolaboratzeko eta haiekin batera eszenatokietan jotzeko aukera izan zuen, hauekin, besteak beste: Pat Metheny, Esperanza Spalding, Christian Scott, Herbie Hancock, Chaka Khan eta John Scofield (Informazio gehiago)

Salmenta-baldintzak eta COVID 19 neurriak

Ordaintzekoa den edozein ikuskizunetan, hiru urtetik gorako (adin hori barne) haurren kasuan, ordaindu egin behar da sarreraren prezioa.

Donostiako Jazzaldiaren leku guztiak, aire zabalean daudenak ere, kerik gabeko guneak izango dira.

Minneapolisen (Minnesota) jaioa, Craig Tabornek Detroiteko Jazzaren eszenan hasi zuen bere ibilbidea. Ondoren, New Yorken ezarri eta bertan bizi da harrezkero. 25 urte baino gehiago daramatza musikaren eszenan profesional gisa, eta gaur egungo pianista irudimentsu eta originalenetakoen artean dago. Bere ibilbidean zehar proiektu artistiko ugaritan parte hartu izan du, baita orain ere, eta era askotako estiloak ‒Jazz, “new music”, elektronika, rock, noise, avant garde, musika esperimentala, Afrikako eta Karibeko soinu tradizionalak…‒ konposatu, inprobisatu eta interpretatu ditu, pianoan edo instrumentu elektronikoak erabilita.

Taborn laugarren aldiz dator Jazzaldira. Lehenik, James Carterri laguntzen izan zen 1995ean; bigarren, Dave Hollandekin 2014an; hirugarren, 2019an, John Zornekin, eta orain, 57 Jazzaldirako, bakarrik dator, San Telmo Museoan piano kontzertu bat eskaintzera (Informazio gehiago).

Salmenta-baldintzak eta COVID 19 neurriak

Ordaintzekoa den edozein ikuskizunetan, hiru urtetik gorako (adin hori barne) haurren kasuan, ordaindu egin behar da sarreraren prezioa.

Donostiako Jazzaldiaren leku guztiak, aire zabalean daudenak ere, kerik gabeko guneak izango dira.

Berezkoa duen talentu goiztiar batek eraman zuen Sofiane Pamart bere hiri Lilleko kontserbatorioan ikastera. 7 urte zituela sartu zen bertan, bere familiak, jatorriz bereberrak eta meatzaritza lanbidetzat duenak, aurretik inolako loturarik ez bazuen ere musika klasikoarekin.

Pianista eta konpositore ospetsuenetako bat bilakatu da bera, eta bere musika gehien entzundako 10etako bat izan da streamingen, 2021ean. Pamart, 30 urte beteak dituena, Frantziako izar handi bat da, eta kolaboratzen aritzen da bertan artista urbanoekin, raperoekin, marka handietako (Cartier, Kappa eta Lacoste, besteak beste) produktoreekin…

Pianista birtuoso bat izateaz gain, konpositorea eta produktorea da Pamart. Musika klasikoaren mundua eta pianoa iraultzea eta irisgarri bihurtzea da bere xedea. Horretarako, musika klasikoaren kode guztiak hausten ditu eta oraingo hiri-inguruneetakoak hartzen ditu; izan ere, hip-hoparen izar gisa jantzi eta haien jokabidea hartzen du (Informazio gehiago).

Salmenta-baldintzak eta COVID 19 neurriak

Ordaintzekoa den edozein ikuskizunetan, hiru urtetik gorako (adin hori barne) haurren kasuan, ordaindu egin behar da sarreraren prezioa.

Donostiako Jazzaldiaren leku guztiak, aire zabalean daudenak ere, kerik gabeko guneak izango dira.

1963an New Yorken jaioa, Benny Green haurtzaroan Berkeleyra (Kalifornia) joan zen bizitzera, eta zazpi urterekin hasi zen pianoa ikasten. Bere aita saxofonistaren eraginpean, Benny laster interesatu zen Jazzaz; buruz ikasten zituen Parker, Monk eta beste maisu handi batzuen soloak, haien diskoak entzunda. Talde propioak sortu zituen eta eskola-taldeetan ere parte hartu zuen, Eddie Henderson tronpetistarekin kolaboratu zuen, eta pianista postua bete zuen Chuck Israelsek zuzendutako big band batean. 1982an New Yorkera itzultzea erabaki eta bertan ezagutu zuen Walter Bishop pianista beteranoa, bere eragin garrantzitsuenen artean duena, eta urtebetez aritu zen harekin ikasten. Bishopek Bobby Watson saxofonista aurkeztu zion, eta aldi batez aritu zen harekin kolaboratzen. 1983an Betty Carterrekin jotzen hasi zen, 1987an Art Blakeyren Jazz Messengerseko kide egin zen arte. Benny 1989ko irailera arte egon zen Blakeyrekin, Freddie Hubbardentzat lanean hasi zen arte (Informazio gehiago).

Salmenta-baldintzak eta COVID 19 neurriak

Ordaintzekoa den edozein ikuskizunetan, hiru urtetik gorako (adin hori barne) haurren kasuan, ordaindu egin behar da sarreraren prezioa.

Donostiako Jazzaldiaren leku guztiak, aire zabalean daudenak ere, kerik gabeko guneak izango dira.

1963an New Yorken jaioa, Benny Green haurtzaroan Berkeleyra (Kalifornia) joan zen bizitzera, eta zazpi urterekin hasi zen pianoa ikasten. Bere aita saxofonistaren eraginpean, Benny laster interesatu zen Jazzaz; buruz ikasten zituen Parker, Monk eta beste maisu handi batzuen soloak, haien diskoak entzunda. Talde propioak sortu zituen eta eskola-taldeetan ere parte hartu zuen, Eddie Henderson tronpetistarekin kolaboratu zuen, eta pianista postua bete zuen Chuck Israelsek zuzendutako big band batean. 1982an New Yorkera itzultzea erabaki eta bertan ezagutu zuen Walter Bishop pianista beteranoa, bere eragin garrantzitsuenen artean duena, eta urtebetez aritu zen harekin ikasten. Bishopek Bobby Watson saxofonista aurkeztu zion, eta aldi batez aritu zen harekin kolaboratzen. 1983an Betty Carterrekin jotzen hasi zen, 1987an Art Blakeyren Jazz Messengerseko kide egin zen arte. Benny 1989ko irailera arte egon zen Blakeyrekin, Freddie Hubbardentzat lanean hasi zen arte (Informazio gehiago).

Salmenta-baldintzak eta COVID 19 neurriak

Ordaintzekoa den edozein ikuskizunetan, hiru urtetik gorako (adin hori barne) haurren kasuan, ordaindu egin behar da sarreraren prezioa.

Donostiako Jazzaldiaren leku guztiak, aire zabalean daudenak ere, kerik gabeko guneak izango dira.