Paketearen definizioa [Abono Trinitate Plaza Abonamendua] - Donostia Kultura

Hiromi

Hiromi, zalantzarik gabe, pianoaren ordezkari gailenetako bat da XXI. mendeko Jazzean. Bere teknika perfektua, gainezka egiten duen bere sentsibilitatea, bere berotasun eranskorra, eta inprobisazioa zein konposizioa nekez lor daitezkeen mailetara igotzeko duen gaitasuna, dira, beste askoren artean, 2003an Another mind diskoa kaleratu zuenetik publiko eta kritikari hainbeste gustatu zaizkien ezaugarriak.

Hiromi Uehara lau aldiz aritu da Jazzaldian eta guztietan utzi du liluratuta eta txundituta publikoa. Lehenengo aldiz Stanley Clarkekin etorri zen 2010ean, The Trio Project bere taldearekin jotzeko 2011n eta 2013an, eta azkeneko aldiz 2017an Kursaal Auditorioan Edmar Castañedarekin. (Informazio gehiago)

Miho Hazama & Musikene Big Band

Miho Hazama musikagile (konposatzaile), moldatzaile eta zuzendaria da, etorkizun oparokoa bere belaunaldian, baita aire ufada fresko peto-petoa ere big bandetarako musikari dagokionez.

Hazama Tokion jaio zen, musika klasikoan graduatu zen Kunitachi College of Musicen; gero, Jazz konposizio master bat egin zuen New Yorken, Manhattan School of Musicen. (Informazio gehiago)

Salmenta-baldintzak eta COVID 19 neurriak

Ordaintzekoa den edozein ikuskizunetan, hiru urtetik gorako (adin hori barne) haurren kasuan, ordaindu egin behar da sarreraren prezioa.

Donostiako Jazzaldiaren leku guztiak, aire zabalean daudenak ere, kerik gabeko guneak izango dira.

Steve Coleman (saxo altua), Kokayi (MC, ahotsa), Jonathan Finlayson (tronpeta), Anthony Tidd (baxu elektrikoa), Sean Rickman (bateria)

Steve Coleman saxofoi-jolea benetako maisua da, baita Jazz-belaunaldi oso batentzako inspirazio iturri ere. Bera izan zen lehendabizikoetakoa rapak eta Djek musika hori berritzeko eskaintzen zituzten aukerak ikusten; hartara, Jazzaren mugetatik kanpora kokatutako musikari askoren maisu ere bihurtu zen. Gainera, Steve Colemanek Jazzaren afrikar eta karibetar sustraiak ikertu ditu, bereziki musika kubatarra, eta ikerketa hori Matanzasko AfroCubarekin kolaboratuz burutu zen. Eratu dituen talde guztiek (Metrics, The Mystic Rhythm Society,  (Informazio gehiago)

Louis Cole

Louis Cole zortzi urterekin hasi zen bateria jotzen. Aitak pianoa jotzen zuen, eta amak, berriz, baxua. Los Angelesko USC Thornton School of Musicen egin zuen unibertsitate hezkuntza. Ikasketak bukatu eta berehala, ibilbide paralelo bati ekin zion eta, hala 4 disko argitaratu ditu bakarka, eta beste 4 Knowerrekin, Genevieve Artadirekin batera eratutako taldea. (Informazio gehiago)

Salmenta-baldintzak eta COVID 19 neurriak

Ordaintzekoa den edozein ikuskizunetan, hiru urtetik gorako (adin hori barne) haurren kasuan, ordaindu egin behar da sarreraren prezioa.

Donostiako Jazzaldiaren leku guztiak, aire zabalean daudenak ere, kerik gabeko guneak izango dira.

Kurt Elling

Kurt Ellingenek haurtzaroan hasi zuen musika ibilbidea, elizetan eta abesbatzetan kantatuz. Bere ibilbidean, Mark Murphy eta Chet Baker izan ditu eragin handienak, 15 aldiz izendatu dute Grammyetarako, eta Ahots Jazzeko bi sari eskuratu ditu Album Onenari. Ellingek, besteen musika lanak interpretatzeaz gain, bere abestiak eta letrak konposatzen ditu, eta hainbat musikarirekin lan egin du, hala nola Brandford Marsalis (2016ko Jazzaldian harekin aritu zen Elling), Herbie Hancock, Dave Brubeck, Danilo Pérez, Stefon Harris eta Fred Hersch. (Informazio gehiago)

Amina Claudine Myers: Generations 4

Amina Claudine Myers piano-jolea da, organista, kantaria, musikagilea, antzezlea eta hezitzailea, hamarkadetan musika egiten aritua.

Oso umetan hasi zen piano lezioak jasotzen, eta ondoren elizako abesbatzetan, gospel eta rhythm and bluesa kantatzen eta jotzen. Myers Artea eta Musika Heziketan lizentziatu zen Arkansasko Philander Smith Collegen. (Informazio gehiago)

Salmenta-baldintzak eta COVID 19 neurriak

Ordaintzekoa den edozein ikuskizunetan, hiru urtetik gorako (adin hori barne) haurren kasuan, ordaindu egin behar da sarreraren prezioa.

Donostiako Jazzaldiaren leku guztiak, aire zabalean daudenak ere, kerik gabeko guneak izango dira.

Diana Krall

Diana Krall azken hamarkadetako Jazzaren figura ospetsuenetako bat da. Pianoa jotzean erakusten duen fintasunak, bere ahots erakargarriak, tonu intimista eta erromantikoak, bere dotoreziak… ospearen goren mailara eraman dute, ez bakarrik Jazzean, baita pop kulturan ere.  (Informazio gehiago)

Lakecia Benjamin & Pursuance

Lakecia Benjamin saxofonista, konpositore eta moldatzailea New Yorken jaio eta bertako Fiorello LaGuardia High School for Performing Arts-en hasi zen saxofoia jotzen. Gero, New Yorkeko New School University ospetsuan izan zen eta musikari gailenekin hasi zen jotzen, haien artean, Clark Terry eta Reggie Workmanekin. Hala, haiek beste hainbat musikarirekin lan egiteko ateak ireki zizkioten, Rashied Ali, David Murray, Vanessa Rubin eta Anita Bakerrekin, besteak beste. (Informazio gehiago)

Salmenta-baldintzak eta COVID 19 neurriak

Ordaintzekoa den edozein ikuskizunetan, hiru urtetik gorako (adin hori barne) haurren kasuan, ordaindu egin behar da sarreraren prezioa.

Donostiako Jazzaldiaren leku guztiak, aire zabalean daudenak ere, kerik gabeko guneak izango dira.