Paketearen definizioa [San Telmo Museoa / Škoda - Abonamendua] - Donostia Kultura

Baptiste Trotignon (pianoa)

Baptiste Trotignon sei urterekinhasi zen pianoa jotzen. Nerabezaroan deskubritu zituen Jazza eta inprobisazioa,eta bere kabuz aritu zen ikasten.

1998an eratu zuen bere lehenengo hirukotea, eta 26 urte zituela bi album kaleratu zituen, Fluide (2000) eta Sightseeing (2001), bere belaunaldiko pianista ikusgarri eta osatuenen artean kokatu zutenak. Ondoren, Solo (2003) eta Solo II (2005) albumak etorri ziren piano soloan, entzuleen eta kritikaren harrera bikaina jaso zutenak. Harrezkero, 14 disko grabatu ditu lider gisa, 9 kolider gisa,eta beste hainbat gonbidatu, sideman edo konpositore gisa. Munduko antzoki eta jaialdi nagusietan aritua da, zuzendari artistikoa izan da, orkestra sinfonikorako piezak konposatu ditu (Different Spaces eta L'air de rien) eta artista handiekin kolaboratu du, tartean Tom Harrell, Brad Mehldau, Mark Turner, Melody Gardot, Nicholas Angelich, Jeff Ballard, Kurt Weill, Kate Lindsey, Minino Garay, Yosvany Terry, Joe Lovano, Avishai Cohen, Ibrahim Maalouf, Camélia Jordana, Romain Leleu, Arthur Teboul, Milton Nascimento, Vincent Peirani, Michel Portal, Enrico Rava, Archie Shepp...

Informazio gehigarria

Bojan Z (Pianoa)

Bojan Z bezalako pianista bat agertzen denean bere hizkuntza artistiko bereziarekin -hiztegi heldua da berea Jazzean, eragin balkanikoak darizkien dosi folkloriko sotilez blaitua- arrasto ezabaezina uzten du jotzen duen talde guztietan, eta, gainera, irauli egiten du Jazzaren panorama. Horixe gertatu zen Belgradeko natibo honekin; bere sormen musikala zabaltzearekin batera, bere abizena (Zulfikarpasic) laburtzea erabaki eta aitzindari bihurtu zen Jazza eta musika balkanikoa uztartzen. Bere konposizio zoragarriek, pianoa jotzeko ohiko moduetatik aldenduta, berretsi egiten dute Jazz pianista paregabe honen estatusa, baita eragin ugari bezain harrigarriak jaso dituen musikari gisa ere.

Informazio gehigarria

Pierre de Bethmann (Pianoa)

1965ean jaioa, Parisen hazi zen eta bertan egin zituen ikasketa orokorrak eta musikaren arlokoak. Ondoren, ESCP negozio-eskolan graduatu (1987an) eta Bostongo Berklee College of Music-en eman zuen urtebete (1989). Gero bost urtez aritu zen aholkulari lanean, eta 1995ean erabaki zuen bere lanbidea alde batera uztea musikari bihurtzeko.

PRYSM hirukoteko koliderra, 90eko hamarkadaren amaieran lau disko grabatu zituen Blue Note zigiluarentzat, eta birak egin zituen Europan, Japonian, Estatu Batuetan eta Kanadan. ILIUM proiektua kaleratu eta lau disko grabatu zituen boskote eta septeto formatuan. MEDIUM ENSEMBLE orkestrarekin jarraitu zuen konposizio lanetan; hamar-hamabi musikarik osatutako orkestra honekin 3 disko grabatu zituen.

Informazio gehigarria

Marc Ribot (gitarra, ahotsa)

Marc Ribot, 1954an New Jerseyn jaioa, azken hamarkadetako asmamen eta sormen handieneko gitarristen artean dago, konpositorea eta abeslaria izateaz gainera. Bere musika esperimentazioaren eta inprobisazioaren munduari lotuta dago beti, eta erabateko askatasunetik abiatzen da, eta zaletasun berezia erakusten du rock gordin, zuzen eta zaratatsuarekiko.

Informazio gehigarria

Kirk Knuffke (korneta), Ray Anderson (tronboia), Bill Goodwin (bateria), Stomu Takeishi (baxua)

Laukote ikusgarria, primeran moldatzen diren lau jenioz osatua. Izar talde hau ikusteko eta entzuteko aukera paregabea agertoki intimo eta hurbil batean, San Telmo Museoko klaustro magikoan.

Kirk Knuffke Coloradon hazi zen eta New Yorken bizi izan da 2005az geroztik. Han inprobisazioa ikasi zuen Ornette Coleman, Art Lande eta Ron Milesekin, eta Butch Morris kornetistarekin ere kolaboratzen hasi zen. Harrezkero, bere izenpean hainbat disko kaleratu ditu, lehenik Clean Feed eta No Business zigiluentzat eta, Jesse Stacken pianistarekin batera, SteepleChase Records-entzat, Charles Mingusen konposizioen album bat barne. Bestetik, Matt Wilsonekin eta Mary Halvorsonekin, Andrew D'Angelo Big Bandekin, Josh Roseman's Extended Constellations taldearekin, eta beste hainbat artistarekin lan egin du, tartean Roswell Rudd, Tootie Heath, Myra Melford, Cécile McLorin Salvant, James Brandon Lewis, Steve Swell, William Parker, Jeff Davis, Federico Ughi, Lisle Ellis, Charlie Hunter…

Informazio gehigarria